BUTUAN CITY – Padayon pa ang imbesitigasyon sa Bureau of Fire Protection kon BFP-Tandag City sa hinungdan sa mi-ulbong sunog sa bunkhouse nga gipanag-iyahan sa usa ka construction firm nga nagtrabaho sa building project sa Adela Sierra Ty Memorial Medical Center nga nahimutang sa likod nga bahin sa Annex Buidling sa maong ospital.
Sa pakighinabi sa Bombo Radyo Butuan, gipadayag ni FO3 Eric Masangcay sa BFP-Tandag City nga tungod kay sayong nakatawag ang mga empleyado nga anaa sa ospital atol sa panghitabo dali lang usab napalong ang kalayo.
Sigon ni FO3 Eric Masangcay human nadawat ang tawag sa sunog gilayon silang miresponde , diin pag-abot sa area bandang alas 7:29 sa gabie misugat na kanila ang dako nga kalayo hinuon layo ra kini sa mga building sa ospital.
Nakontrola usab hinuon kini pagka-alas 7:35 sa gabie ug gideklarang fire out alas pagka-7:45.
Mukabat usab sa kapin kon kulang 20,000 pesos ang gibiling damyos sa maong sunog.
Walay na-angol sa hitabo apan nakamugna kini og kalisang ubang mga empleyado sa ospital sanglit ubay-ubay nga pasyente ang naka-admit niadtong panahona.
