BUTUAN CITY- Sulod na sa quarterfinals sa 20th Asian Games ang Gilas Pilipinas Women human gipildi ang Hong Kong, sa iskor nga 90-73, kagahapong adlawa Domingo, Setyembre 20, sa Aichi International Arena sa Japan.
Human ang intense nga away sa 3rd quarters, hingpit nang mingbiya ang Pilipinas sa fourth quarter sa pagpanguna nila Stefanie Barberabe, Afril Bernardino, Jhaz Joson.
Nagtala si Berberabe og 21 puntos, samtang mingtampo usab si Bernardino og 17 puntos ug 11 rebounds. Adunay 15 puntos usab si Joson, samtang ming-iskor si Camille Malagar og 14 puntos ug 8 puntos usab ang natala ni Elizabeth Medans
Tungod sa kadaogan, mingsaka ang Gilas Pilipinas Women sa rank 1 sa group B nga adunay record nga 2-0 ug awtomatikong nakasulod sa top eight.
Sunod nga atobangon sa Gilas ang host country nga Japan sa ugmang adlawa Martes alang sa ilang kataposang dula sa group stage.
