BUTUAN CITY- Nagpabiling kumpyansa ang Department of Justice nga makit-an ug ma-aresto ang puganteng si Charlie “Atong” Ang.
Sumala ni Prosecutor General Richard Anthony Fadullon, masaligon kini sa gihimong operasyon sa Philippine National Police o mga awtoridad nga matud-an ang lokasyon sa akusadong negosyante.
Bisan paman na wala pa gihapon ma-aresto sa kasamtangan, padayon gihapon matud pa nga nakigtambayayong ang DOJ sa ‘law enforcement agencies’ sa panggamhanan.
Masaligon usab kini, nga mapa-atubang sa korte ang puganteng si Atong Ang alang sa mga kaso niining gi-atubang kalabot sa pagkawala sa mga sabungero.
Kahimudmumang gipasakaan kini og mga kaso ug gi-alegarang‘mastermind’ sa ‘missing sabungeros case’.
Si Charlie ‘Atong’ Ang nag-atubang sa kasong ‘kidnapping with homicide’ ug ‘kidnapping with serious illegal detention’ kalabot sa pagkawala sa mga sabungero.
Gipa-ambit usab ni Prosecutor General Fadullon, nga namatikdan matud pa sa ahensya nga inanay nang nangawala ang mga pamilya o ‘complainants’ sa ‘missing sabungeros case’.
Subling usa nalang ka pamilya ang padayon nga nakig-coordinate sa Department of Justice kalabot sa kasong gipasaka.
Bisan paman, gihatagan og ginbug-aton sa DOJ nga dili ma-apektuha ang ‘missing sabungeros case’ bisan paman pakyas nang makontak ang pamilya sa mga nawalang sabungeros.
