-- ADVERTISEMENT --
BUTUAN CITY- Masinati na sa mga konsumidor sa umalabot nga Nobyembre ang pagkunhod sa bayrunon sa kuryente human gipagawas sa Bureau of Internal Revenue kon BIR ubos sa pagpangulo ni Commissioner Charlito Martin Mendoza ang Revenue Memorandum Circular No. 97-2026 niadtong Septiyembre 14, 2026, diin hingpit nang gitangtang ang 12 porsyentong Value-Added Tax o VAT sa allowable system loss charge nga sakop sa cap sa Energy Regulatory Commission kon ERC.
Pinaagi niini, gibanabana nga mokabat sa 20 hangtod 30 pesos ang mawagtang nga VAT component sa system loss charge, samtang alang sa kasagarang panimalay nga mokonsumo og 200 kilowatt-hours matag bulan, posibleng moabot sa 20 pesos ang ilang matigom.
