BUTUAN CITY- Gi-aprobahan ni Presiding Officer Francis “Chiz” Escudero ang hangyo ni Davao City Mayor Sebastian “Baste” Duterte nga ibalhin ang adlaw sa pag-atubang niini sa Senate impeachment court sa Setyembre 29 ug Sept. 30, inay karun untang adlawa Lunes, Setyembre 28.
Sa usa ka sulat nga gipadala karung adlawa, gipasabot ni Mayor Duterte nga kinahanglan niini og duhang oras aron makapangita, maka-andam ug makakopya og mga gikinahanglang dokumento nga nakalatid sa subpoena niini.
Gipadayag ni Escudero nga ang mga gipulihang petsa lakip sa unang subpoena nga gipagawas sa korte, hinungdan nga dili na kinahanglang magpagawas og bag-o.
Gihimo ang pagbag-o sa schedule samtang padayon nga gihisgutan sa impeachment court ang Article II sa Articles of Impeachment batok kang Vice President Sara Duterte kalabot sa dili mapasabot nga bahandi, sayop nga Statement of Assets, Liabilities and Net Worth kon SALN, ug padayon nga interes sa negosyo.
Gilaoman usab sa House prosecution panel nga maghatag og testimonya si Mayor Baste Duterte kalabot sa GenCorp Industries Inc., usa ka kompanyang gilambigit sa igsuon niini nga Bise Presidente.
