BUTUAN CITY – Usa na usab ka Yulo ang medalist karon sa Asian Games human nasakmit ni Eldrew Yulo ang bronze medal sa men’s horizontal bar event finals sa 20th Asian Games nga gipahigayon sa Nagoya General Gymnasium sa Japan.
Ikaduha siya nga nag-perform sa walo ka mga atleta, natala ni Yulo ang marka nga 13.666 tungod sa iyang 8.566 score sa execution ug 5.0 sa difficulty.
Hapit perpekto ang iyang performance, hinungdan nga nahatagan usab siya og 0.1 bonus.
Tabla unta si Yulo ni Milad Karimi sa Kazakhstan nga nakakuha usab og score nga 13.666, apan nagpadaog sa timbangan ang mas labaw nga execution score ni Yulo.
Tungod kay ikaduha man siya nga naperform, si Yulo maoy nanguna sa listahan human sa iyang pasundayag.
Apan naapsan ra usab siya sa ulahi ni Shinnosuke Oka sa Japan, kinsa nakakuha og 14.033 nga kinatibuk-ang marka gikan sa 8.633 points sa execution ug 5.4 points sa difficulty.
