BUTUAN CITY- Nakab-ot ni Olympic Gold Medalist Carlos Yulo ang unang gold medal sa Pilipinas sa nagpadayon nga Asian Games human niining gidaog ang men’s floor exercise finals karung adlawa Huwebes sa Nagoya General Gymnasium sa Japan, kansa nahimong unang bulawanong medalya sa Pilipinas sa kasamtangang edisyon sa maong torneyo.
Nakapuntos si Yulo og 14.666, diin 8.966 ang execution ug 5.7 ang difficulty, aron manguna sa walo ka gymnasts lakip na ang iyang manghod nga si Eldrew Yulo.
Nakalampos usab kini sa iyang qualifying score nga 14.600 ug nakadaog batok kang Milad Karimi sa Kazakhstan nga nakakuha og 14.600 alang sa silver medal, samtang si Shoma Tsukiyama sa Japan nakapuntos og 14.566 alang sa bronze ug si Eldrew nahimutang sa ikapito nga pwesto human makakuha og 12.233.
Kini ang unang Asian Games gold ni Carlos Yulo, nga nakakompleto sa iyang koleksiyon sa mga major titles nga naglakip sa SEA Games, Asian Championships, World Championships ug Olympic Games, ug aduna pa kini higayon nga makadugang og medalya sa finals sa vault ug parallel bars.
