BUTUAN CITY- Gi-hangyo sa defense team ni kanhi President Rodrigo Duterte sa international Criminal Court kon ICC nga kunhoran ang gidaghanon sa ebidensyang isinumite sa prosekusyon, kansa gi-ingong maka-apekto sa ilang pagpangandam alang sa pagtaral.
Sa filing nga gipasaka niadtong Setyembre 25, gibutyag sa lead defense counsel nga si Peter Haynes nga mingdako og 978 porsiyento ang prosecution evidence, gikan sa 5,275 items padulong sa 62,130 files bugti sa 320,000 pages. Sumala depensa, molungtad og hangtud 16,000 ka oras aron masusi ang mga dokumento adiser ang gikatakdang trial sa nobyembre 30.
Gikwestyon usab sa depensa ang kalidad ug relevance sa pipila ka files, lakip ang gi-ingong sayop nga metadata, duplicate documents, dili mabasa nga scans, lahi-lahi nga pages ug mga dokumentong gi-ingong walay direktang kalabotan sa 49 ka insidenteng sakop sa kaso.
Partikular nga gitumbok sa depensa ang usa ka dataset nga adunay 44,400 ka items nga gi-unoran matud pa og impormasyon kalabot sa kapin 20,000 ka drug-related deaths.
Gi-akusahan usab niini ang office of the prosecutor sa paggamit og automated AI-generated summaries sa pagproseso sa pipila ka files, usa ka pamahayag nga parte sa argumento sa depensa sa ilang motion.
Aron malikayan nga malangan ang trial, gisugyot sa depensa nga minghimo ang prosekusyon og bagong case file nga dili molapas sa 10,000 ka properly reviewed items, lakip ang relevant, verified ug non-duplicative evidence ug mga materyal nga posibleng pabor kang Duterte.
Gilaomang magdesisyon ang Trial Chamber III sa mosyon sa mga mosunod nga adlaw.
