-- ADVERTISEMENT --
BUTUAN CITY- Lauman ang posibleng rollback nga kapin P7 kada litro sa presyo sa diesel sugod sunod semana, samtang mahimong moubos usab og P0.50 hangtod P1 ang presyo sa gasolina ug hangtod P6 kada litro sa kerosene.
Sumala sa mga tinubdan sa oil industry, ang maong pagkunhod sa presyo mahimong maimpluwensiyahan sa potensyal nga pagpadayon pag-usab sa peace talks tali sa Estados Unidos ug Iran.
Ang maong pagbana-bana gibase sa Mean of Platts Singapore o MOPS ug foreign exchange averages sa unang upat ka trading days. Ang pinal nga presyo sa mga produktong petrolyo kasagarang ipahibalo matag Lunes ug ipatuman sa adlaw nga Martes.
