BUTUAN CITY- Personal nga mingbisita si Vice Pres. Sara Duterte sa mga pamilya nga biktima sa natigayong shooting incident sa Banga National High School aron magpa-abot og pahasubo ug suporta.
Gihatagan og gibug-aton bise presidente ang kamahinungdanon sa pagpatuman og mas kusog nga culture of security sa mga tunghaan, lakip ang mas maayo nga information-gathering aron gilayon nga masuta ug malikayan ang mga sitwasyong magbutang og peligro sa mga estudyante.
Gi-inisistar usab niini nga importanteng adunay mga magtutudlo ug school personnel nga daling maduolan sa mga magtutungha alang sa dali-ang giya, tabang ug pagtaho sa ilang mga problema sa kaluwasan.
Samtang, buwag usab nga mingbisita sa maong tunghaan si Department of the Interior and Local Government (DILG) Secretary Jonvic Remulla aron makipag meeting sa mga lokal nga opisyal kalabot sa mga lakang nga kinahanglang ipatuman aron dili na ma-utro pa ang pagpamsuil.
Sumala ni Remulla, pukosan sa mga awtoridad ang posibleng impluwensya sa usa ka online community nga nagtandi sa violent activities ug mipadayag na usab og hugot nga regulasyon sa paggamit og social media sa mga kabataang nag-edad og 16 pa-ubos, ingon man ang husto nga pagtipig ug panag-iyaha sa mga pusil.
