BUTUAN CITY- Pormal nang gisilbi sa National Bureau of Investigation ang gi-isyu niining ‘subpoena’ batok sa Regional Director sa Department of Public Works and Highways sa Davao City.
Gikumpirma sa buhatan kagahapong adlawa ang pagselbi sa mando ngadto sa mga opisyal, partikular sa DPWH Davao City District Engineering Offices 1, 2, ug 3.
Gimadoan ang regional director sa buhatan nga mo-atubang sa opisina sa National Bureau of Investigation sa umalabot nga Huwebes, ika-24 sa Setyembre 2026 sa may ala-una sa hapon.
Tumong sa ‘subpoena’ nga magduan ang maong opisyal nga maghatag kini og mga impormasyon adunay kalabotan sa imbestigasyon nga gihimo sa departamento.
Ang ahensya kasamtangang nagpahigayon og imbestigasyon bahin sa mga kadudahan nga proyekto sa flood control sa Davao City, ang distrito nga nailhang sakop ni Davao Rep. Paolo ‘Pulong’ Duterte.
Kaniadto gibutyag ni NBI Dir. Melvin Matibag nga ming-abot sa kapin 40 ka flood control projects sa Davao City ang nakit-an nga ‘red flags’.
Sumala pa niini, puros adunay ‘red flags’ ang 47 gikan sa 100 ka mga proyektong flood control ang nadiskobrehan sa buhatan.
Samtang sa unang impormasyon, ming-abot sa 1.9 Billion Pesos ang kantidad sa mga proyektong flood control ang napasagdan sa usa ka construction company nga Genesis88 Construction Inc, kansa gipanag-iyahan sa suod matud pa sa mga Duterte.
Ang ‘red flags’ sa mga proyekto adunay substandard, ghost ug ang uban usa ang coordinates apan gigahi-an og 5 budget nga gilahi-lahi ang project titles.
Pagklaro pa sa direktor, nga ang gihisgutang ihap sa mga proyektong adunay ‘red flags’ sa distrito ni Rep. Duterte dili pa sigurado.
Sa 47 ka ihap, subling 6 pa lang niini ang klaro nga adunay problema o anomalya base sa ilang nakita.
