BUTUAN CITY – Isaka sa National Capital Region Police Office kon NCRPO ngadto sa full alert status ang tibuok Metro Manila isip pagpangandam sa ika-54 nga anibersaryo sa deklarasyon sa Martial Law karong Septembre 21.
Gikumpirma ni Police Colonel Allen Rae Co, hepe sa Public Information Office sa Philippine National Police kon PNP, nga ipatuman ang full alert status sugod ugma sa alas-12 sa tungang gabii, Septembre 19, apan wala na sikya maghatag og detalye kung hangtod kanus-a ipabilin ang maong full alert status.
Tumong niini nga ma-andam ang kapulisan sa posibleng mga lihok-protesta nga gila-umang mahitabo sa maong adlaw.
Gipasalig usab niini nga magpatuman ang kapulisan og maximum tolerance sa mga pulis nga i-deploy sa mga lugar diin himoon ang mga lihok-protesta.
Nasayrang mukabat sa 15,746 ka mga pulis ang ipakatag sa nagkalain-laing bahin sa Metro Manila, ilabina sa mga lugar diin gikatakdang himoon ang mga panagtapok.
