BUTUAN CITY – Hustisya ang singgit sa pamilya sa usa ka 8-anyos nga batang namatay human milagpot gikan sa gi-angkasang motorsiklo kansa nabanggaan sa patrol car kagahapon sa alas-6:40 sa buntag sa intersection sa General Santos Drive ug Sinsuat Street, Barangay Zone IV, Koronadal City.
Base sa impormasyon gikan sa pamilya, ang namatay nga bata gi-ila nga si Vanessa Cabrera, residente sa Purok Silangan, Barangay Morales.
Nasayrang nga ang motorsiklong Yamaha Mio, gimanihuan sa lola sa biktima nga si Meriam Salan Antiquera, 51-anyos.
Nasuta nga samtang ang Mitsubishi Strada pick-up nga gigamit isip police patrol car ug gimaneho ni PCpl Elton John Javien Rombawa, 30 anyos, nga naka-assign sa South Cotabato Provincial Mobile Force Com0pany kon SKPMFC ug residente sa President Quirino, Sultan Kudarat, nagbiyahe sa General Santos Drive gikan sa Barangay Morales padulong sa Roundball.
Base sa inisyal nga imbestigasyon, nabanggaan sa atubangang bahin sa pick-up ang tuo nga bahin sa motorsiklo dihang dungan silang miabot sa maong intersection ug tungod sa kakusog sa impact, na-angol ang drayber ug ang angkas sa motorsiklo nga gidala dayon sa South Cotabato Provincial Hospital alang sa pagpatambal apan wala na maluwas ang walo ka tuig nga bata.
Padayon pang gi-imbestigahan sa kapulisan ang maong aksidente aron matino ang tanang sirkumstansiya nga misangpot sa pagkabangga.
