BUTUAN CITY- Minghimo og ocular inspection ang Sandiganbayan Third Division sa Quezon City Male Dormitory kung asa nakadetine si kanhi House Speaker Martin Romualdez.
Si Romualdez nag-atubang sa P7.44-billion plunder case o kasong pagpangawat nga may kalabotan sa government infrastructure project.
Lakip sa ming-adto sa sa pasilidad sila Associate Justices Karl Miranda ug Fritz Bryan Anthony Makasiar Delos Santos. Tumong sa maong inspesksyon aron masuta kung mingsunod ang detention facility sa mga gitakdang kondisyon sa kamandoan sa korte niadtong Setyembre 10.
Kahinumdumang nagsugod ang inspeksyon sa pamahayag sa kolumnistang si Ramon Tulfo nga matud pa makagawas si Romualdez sa detention facility sakay sa ambulansya unsa mang orasa nga gusto niini.
Bisan paman, wala pay gipagawas nga konklusyon ang korte kalabot sa maong alegasyon o sa unsa mang nahimong lihok sa mga taong nalambigit.
Samtang, nagpadayag usab si Ombudsman Jesus Crispin Remulla nga mohimo og surprise visit sa pasilidad sa Bureau of Jail Management and Penology (BJMP), subay sa impormasyong adunay assistant si Romualdez sulod sa detention facility.
