-- ADVERTISEMENT --
BUTUAN CITY- Arestado sa Bureau of Immigration (BI) ang usa ka 36-anyos nga Chinese national kinsa minggamit matud pa og peke nga Filipino identity aron makakuha og Philippine passport.
Gi-ila ang suspek nga si Yao Shucheng, alyas Lee King Agbulos, nga na-aresto niadtong Nobyembre 8, 2026, pag-abot sa NAIA Terminal 1 gikan Hanoi, Vietnam.
Sumala sa BI, minggamit matud pa si Yao og fake birth certificate aron makakuha og Philippine passport. Gilambigit usab kini sa pagpamusil niadtong 2022 sa Parañaque City nga gikamatay sa duha ka Chinese national, nga padayon pang gi-imbistigahan.
Kasamtangang anaa sa kostudiya sa BI ang suspek samtang gihimo ang tukmang proseso alang sa deportasyon ug permanenteng pag-blacklist.
