BUTUAN CITY- Sulod na sa finals sa 2026 Hong Kong Tennis Open si Filipina tennis star Alex Eala human mapildi ang world No. 9 nga si Maria Sakkari sa Greece pinaagi sa iskor nga 7-5, 3-6, 6-4, nga maoy ikaduhang professional circuit final sa iyang karera karong tuiga.
Bisan pa sa mga paghunong sa duwa tungod sa dili maayong kondisyon sa panahon ug sa kapildihan sa ikaduhang set, gipakita ni Eala ang iyang determinasyon ug kalig-on aron makuha ang kadaugan batok sa usa sa mga top-ranked players sa Women’s Tennis Association o WTA Tour.
Giila kini nga pinakadakong kadaugan sa iyang karera hangtod karon, human usab niya makuha ang iyang unang professional singles title sa W50 Pune sa India ning tuiga.
Alang sa kampeonato, atubangon ni Eala ang Amerikanang si Claire Liu, kinsa apil sa top 100 nga mga magdudula sa kalibotan, sa maong WTA 250 tournament sa Hong Kong.
