BUTUAN CITY- Hugot nga gipalagan ni Ombudsman Jesus Crispin ‘Boying’ Remulla ang pagka-adunay “personal assistant’ ni kanhi House Speaker Martin Romualdez sulod sa presohan.
Matud pa, gibawal ang maong klase nga ‘set up’ sa prisohan ug mipasidaan nga dili matud pa kini pwede ugaling tinuod man kini.
Tan-awon o iberepika uba sa Ombudsman ang maong impormasyon kansa nagbutyag nga adunay ‘personal assistant’ sa detensyon si kanhi House Speaker Romualdez.
Kahinumdumang una nang go-angkon ni New Quezon City Jail Male Dormitory Warden Supt. Maria Lourdes Pacion sa Sandiganbayan ang matud pa personal assistant.
Pag-insistar pa ni Ombudsman Remulla, nga kung ugaling mapamatud-an dili matud pa kini magduha-duha nga tangalon ang mga nalambigit gikan gikan sa ilang mga serbisyo.
Gi-angkon usab ni Ombudsman Remulla, nga karun lamang niini nadungog ang maong isyu sa pagka-adunay ‘personal assistant’ sulod sa prisohan.
Aron personal nga masusi kung adunay iregularidad sa presohan, gi-anunsyo ni Ombudsman Remulla ang planong paghimo og ‘surprise visit’ sa mga pasilidad niini.
Pukos matud pa sa himuong pag-inspeksyon aron makita kung adunay‘special treatment’ sa sulod sa presohan, ug patubagon ang mga nalambigit ingon man ang mga nakigkunsabong mga opisyal
