BUTUAN CITY- Nanumpa na ang bag-ong Presidente sa Paraguay nga si Pedro Alliana niadtong Biyernes, human gipa-ubos sa impeached predecessor sa house arrest ang kanhi Presidente nga si Santiago Peña (Penya). Kalabot kini sa pagkahugno sa digital bank sa nasud.
Sumala sa mga prosecutor, padayon niining gisuta kung adunay mga kaso nga ipasaka batok kang Peña, lakip ang posibleng paggamit og impluwensya aron makakuha og pabor o influence peddling.
Napalagpot si Peña sa puwesto usa ka oras human sa hini-usang boto o senate unanimous votes sa mga senador nga pabor sa impeachment. Gikwestyon sa mga magbabalaod ang matud pa pagkalambigit sa kanhi Presidente sa pagkahagsa sa digital bank nga Ueno, kansa naghatag og serbisyo sa dul-an katunga sa populasyon sa Paraguay.
Bisan paman nga nagtanyag si Peña nga mokanaog sa puwesto niadtong Huwebes, gipili sa Senado nga ipadayon ang proseso sa impeachment, inay dawaton ang dawaton ang pagkaog niini. Tungod niini, gilayon usab nga nanumpa si Alliana isip hulip niini.
Human ang pagka-aresto kang Peña, nagtapok ang mga raliyista gawas sa panimalay niini. Gilayon usab nga nagdeploy og seguridad ang mga pulis sa lugar aron mamintinar ang kalinaw.
