BUTUAN CITY- Nanawagan si Jeffrey “Ka Eric” Celiz, Secretary General sa Bangon Sambayanan, sa katawhan nga makighiusa ug aktibong moapil sa Dugong Bombo 2026 Bloodletting Event, usa ka bililhon ug prestihiyosong kalihokan nga gipasiugdahan sa Bombo Radyo Philippines aron makatabang sa mga medical agency sa pagtipon og igong suplay sa dugo alang sa mga pasyente nga nanginahanglan niini.
Matud pa ni Celiz, usa kini ka halangdong inisyatibo nga angay suportahan sa publiko tungod kay dako ang ikatabang sa matag donasyon sa dugo sa pagluwas sa kinabuhi sa mga tawo nga nagkinahanglan og dugo sa panahon sa emerhensiya.
Dugang pa niya, importante nga dasigon ang katawhan sa pag-apil sa maong kalihokan, ilabi na sa nagkadaiyang bloodletting center nga gipahigayon sa mga estasyon sa Bombo Radyo sa tibuok nasud, isip pagpamatuod sa panaghiusa ug pagpakabana sa panginahanglan sa isigka-tawo.
