BUTUAN CITY- Gihangyo sa defense team ni kanhi President Rodrigo Duterte sa International Criminal Court (ICC) nga tangtangon ang duha ka testigo sa prosekusyon sa listahan niini human gi-insistar nga ang ilang mga pamahayag nakabase lang matud pa sa hearsay, ug mga impormasyong nakuha gikan sa media ug social media.
Sa usa ka redacted request filing nga gipagawas niadtong Nobyembre 9, gipatanggal sa abogado ni Duterte nga si Peter Haynes sa ICC Trial Chamber III ang mga testigong gi-ila isip P-1334 ug P-1348, kung asa gipahayag niini nga ang duha halos hingpit nga wala sa nasod sulod sa tibuok panahon nga nasakop sa mga Count 2 ug 3 sa mga kaso.
Sumala sa depensa, wala ni usa sa duha ka testigo ang adunay direktang personal nga kahibalo sa mga nahimong desisyon ug operasyon niadtong sa pagpangulo sa kanhi Presidente, partikular na sa mga alegasyon kalabot sa matud pa killing quotas, financial rewards, ug target lists nga adunay kalabotan kang Senador Ronald “Bato” dela Rosa.
Gihatagan og ginbug-aton usab ni Haynes nga ang salaysay sa mga testigo kalabot sa pipila ka insidente sa pagpatay sa war on drugs naggikan lang sa mga nabasa sa newspapers o nadungog sa estorya sa ubang tao, hinungdan nga wala kini igo nga probative value aron magamit sa kliyente niini. te.
Gikatakdang atubangon ni Duterte ang tulo ka ihap sa crimes against humanity sa pagtaral niini sa ICC kansa magsugod karung Nobyembre 30, 2026, samtang wala pa usab gipagawas nga desisyon ang Trial Chamber III kalabot sa maong mosyon sa depensa.
