BUTUAN CITY- Sulayan pag-usab ni Filipina tennis star Alexandra Eala nga makab-ot ang unang kadaogan niini batok sa Czech Republic player nga si Tereza Valentova sa ilang ika-tulo nga pagpanag-agbat. Gikatakdang ipahigayon ang away sa duha karung alas 6:30 sa gabii.
Sa ilang duha ka miaging pagpanag-atbang, pareho nga gi-daog ni Valentova. Una silang nag-atbang sa Japan Open niadtong 2025, kung asa gipildi sa Czech player ang Filipina sa straight sets, 6-1, 6-2. Nag-atbang na usab sila sa Qatar Open sa Doha niadtong Pebrero 2026, kung asa mingdaog pag-isab si Valentova sa iskor nga 7-6(6), 6-1.
Bisan paman, mosulod si Eala sa ilang ika-tulo nga pag-atubang nga adunay nindot nga momentum human gipildi si Australian player Emerson Jones, 6-4, 6-3, sa opening round sa Hong Kong Open.
Samtang, nagikan usab si Valentova sa kadaogan batok sa Japanese player nga si Himeno Sakatsume, 6-3, 7-5, aron makasulod sa Round of 16.
Mas taas usab ang kasamtangang ranggo ni Eala sa Women’s Tennis Association (WTA) sa No. 17, kumpara kang Valentova nga anaa sa No. 85.
