BUTUAN CITY – Padayon pang nagpa-alim sa iyang mga na-angkong samad ug bun-og sa kalawasan ang usa ka 22-anyos nga estudyante sa Caraga State University – Cabadabran Campus human siya nabanggaan og usa ka van ning mi-aging alas-7:20 sa gabii niadtong Sabado atbang sa bus stop sa Purok 6, Brgy Ampayon ning siyudad sa Butuan.
Base sa report sa Butuan City Police Station kon BCPS-IV, ang dalagang biktima nga residente sa Purok 2, Brgy Canayugan, Bayugan City, lalawigan sa Agusan del Sur, mitabok na dalan dihang kalit lang nabanggaan kolor itom nga Kia Carnival 2.2 van hinungdan sa pagkalagpot niini.
Dali siyang gidala sa Butuan Medical Center samtang ang driver ug ang sakyanan, gikostudiya sa BCPS-4 alang sa tukmang disposasyon ug dugang imbestigasyon.
