BUTUAN CITY- Gipahamtangan og silot nga 30 ka buwan nga pagkapriso sa United States ang duha ka Chinese nationals human ming-angkon sa pagsulay og pag-recruit og mga miyembro sa US military aron mag-espiya alang sa Beijing.
Gi-ila sa US Department of Justice (DOJ) ang mga nasentensiyahan nga sila Liren “Ryan” Lai ug Yuance Chen kinsa gihatagan usab og tulo ka tuig nga supervised release.
Mipahigayon ang duha og “dead drop” cash payments kung asa nagbilin kini og liboan ka dolyat bugti sa mga impormasyong adunay kalabotan sa US national security.
Minggawas sa mga dokumento sa korte nga nagsugod paglihok ang duha isip mga agent sa Ministry of State Security sa China niadtong Mayo 2021.
Mingkuha usab ang mga akusado og mga hulagway sa naval facility, military recruits, ug active-duty sailors samtang nagtigom og personal nga datos sa usa ka personnel sa US Navy.
Mipasaka og guilty plea sila Lai ug Chen sa mga kasong conspiracy to act as agents at acting as agents of a foreign government nga walay unang pahibalo sa US Attorney General.
