BUTUAN CITY- Lauman ang pagsaka sa pamasahe sa mga depasaheroang eroplano sunod buwan.
Kini human gitas-an sa Civil Aeronautics Board (CAB) ang fuel surcharge sa umalabot nga Nobyembre.
Sumala sa CAB, gi-isa na sa Level 17 ang fuel surcharges gikan Nobyembre 1 hangtud 15.
Ang nasangpit nga level mas taas gikan sa kanhi Level 16 gikan Oktubre 16 hangtud 31.
Sa Level 17 manukot ang mga airlines og gikan P559 hangtud P1,635 kada pasahero alang sa domestic flights.
Samtang adunay P1,846.10 hangtud P13,726.58 ang dugang nga bayrunon sa mga international flights.
Mas taas kini gikan sa level 16 nga mga surcharges nga adunay P525 hangtud P1,535 alang sa domestic flights samtang adunay P1,733.76 hangtud P12,891.29 alang sa international flights.
Ang mga surcharges gipangsukot sa mga airline companies tungod sa padayon nga pagsaka sa presyo sa produktong lana sa nasud.
