-- ADVERTISEMENT --
BUTUAN CITY- Gibakwi ni Filipina tennis star Alex Eala ug sa doubles partner niini nga si Desirae Krawczyk ang doubles draw sa Pan Pacific Open sa Tokyo human makaangkon og injury sa likod si Krawczyk, sumala sa website sa Women’s Tennis Association kon WTA.
Ang duha unta makigsangka kang Hao-Ching Chan sa Chinese Taipei ug Miyu Kato sa Japan sa Round of 16, apan gipulihan sila nila Yulia Putintseva ug Liudmila Samsonova.
Tungod niini, magpokus na si Eala sa iyang kampanya sa singles human niini gipildi ang British wildcard nga si Mika Stojsavljevic sa duha ka set sa skor nga 6-1, 6-2, sa unang hugna sa torneyo. Gilaom nga mobalik sa korte si Eala karong Miyerkules alang sa Round of 16, diin iyang atubangon si Talia Gibson.
