BUTUAN CITY – Gi-aprubahan sa Estados Unidos ang pagbaligya og 500 ka Patriot missiles ngadto sa Ukraine, kansa dakong panginahanglanon sa maong nasud alang sa ilang depensa batok sa nagkagrabeng pag-atake sa Russia.
Apan nagpasidaan na si Ukrainian President Volodymyr Zelensky nga posibleng molungtad pa og pila ka tuig adiser mahatod ang maong mga missiles.
Matud sa US State Department, mokabat sa 2.1 billion dollars ang kantidad sa mga advanced PAC-3 interceptor missiles nga ibaligya kansa gipundohan sa mga kaalyado sa Kyiv sa Urupa ug Canada.
Una nang gibalik ni Zelensky ang iyang panawagan ngadto sa Estados Unidos nga paspasan ang paghatod sa mga Patriot missile, kansa mao lamang ang epektibong armas nga makapahagba sa makamatay nga ballistic missiles sa Russia.
Ang pinakabag-ong lakang nahitabo human sa panagbangi tali nila ni Ukrainian President Volodymyr Zelensky ug US President Donald Trump sayo ning bulana, human gipahuyang sa Estados Unidos ang mga sanction batok sa Russia isip kabahin sa kasabutan aron makakuha og Russian diesel.
Gipadayag ni Trump nga panahon na aron makapili og bag-ong lider ang Ukraine aron makab-ot ang kasabutan nga mutapos sa gubat batok sa Russia.
Gilusad sa Moscow ang bug-os nga pagsulong sa Ukraine niadtong Pebrero 2022, human niini nasakmit ang Crimea ug pipila ka bahin sa Donbas sa sidlakang rehiyon sa Ukraine.
Apan mihupay ang tensiyon human nagpahigayon si Zelensky og pakighinabi sa mga mando sa Estados Unidos sa Oslo, Norway niadtong Oktubre 20.
