BUTUAN CITY- Nanawagan ang Houthi rebels sa dali-ang pagbakwit sa mga katawhan gikan sa international airport sa Aden, Yemen, kung asa nakabase ang gi-ilang panggamhanan sa nasud nga suportado sa Saudi Arabia.
Sumala ni Houthi spokesperson Yahya Saree, gihimo ang pasidaan tungod sa matud pa presensya sa usa ka Saudi military cargo aircraft kansa adunay dala nga armas. Wala pa usab gipagawas nga pamahayag ang awtoridad sa Saudi Arabia kalabot niini.
Pipila ka pagbuto usab ang nadungog sa Aden adiser gipagawas ang pasidaan, sumala sa mga residente. Balik-balik na nga gi-target sa Houthis, nga mingkontrol sa central sa Sanaa sa amihanang Yemen, ang airport nga importanteng agi-anan sa mga biyahero ug humanitarian aid sa habagatang bahin sa nasod.
