BUTUAN CITY – Mibisita si Department of Social Welfare and Development kon DSWD Sec Rex Gachalian sa mga sites sa Project LAWA ug BINHI sa Purok 1 ug Purok 4, Brgh Llamer, lungsod sa Libjo, Dinagat Islands province ka-uban si DSWD Field Office Caraga Regional Director Mari-Flor Dollaga.
Tumong niini nga susihon ang nagkada-iyang DSWD program sites nga gipatuman sa rehiyon ug pakighimamat sa mga program participants ug mga miyembro sa komunidad aron mahibal-an mismo ang ilang kasinatian ug epekto sa mga proyekto nga gipatuman sa ilang lugar.
Gipahibalo usab sa kalihim ang mga interbensiyon sa DSWD, lakip ang mga kalihukan nga nagtumong sa pagpalig-on sa partisipasyon sa komunidad ug paghatag og kahigayunan sa mga benepisyaryo nga matubag ang ilang mga panginahanglanon aron mahimong mas self-reliant.
Ang Project LAWA at BINHI, nagtumong sa pagtabang sa mga disaster-vulnerable nga komunidad pinaagi sa pagsulbad sa food ug water insecurity, samtang gipalig-on ang malungtarong panginabuhian ug community resilience.
