BUTUAN CITY – Mi-abot sa 11.6-gramos sa gidudahang shabu nga gibana-banang nagkantidad og ₱78,880.00 ang nakumpiska sa gilusad nga anti-illegal drug operations pasado alas-nueve kagabii sa Purok 5, Brgy. Ong Yiu, ning siyudad sa Butuan.
Ang maong operasyon nga gipangunahan sa Butuan City Drug Enforcement Unit uban sa Butuan City Police Station-2 ug sa mga sakop sa Philippine Drug Enforcement Agency kon PDEA-Agusan del Norte provincial office, misangpot sa pagkasikop ni alyas Nopnop, usa ka Street Level Individual (SLI), ngq gi-categorize isip user/pusher, 29-anyos nga ulitawo, duna’y live-in partner, residente sa P-3B, Brgy. Bading, ning siyudad.
Gibasahan gilayon ang suspetsado sa iyang katungod ilawom sa Miranda doctrine ug Anti-Torture Warning during the arrest.
Ang mga nakumpiskang gidudahang shabu, mga drug paraphernalia ug marked money balor ₱1000, anaa na sa kostudiya sa Drug Enforcement Unit sa Butuan City Police Office alang sa tukmang disposasyon ug magamit sa pagpasaka og kaso.
