BUTUAN CITY – Magpagawas ang Department of Labor and Employment (DOLE) og upat ka labor advisories sa Nobyembre aron mapanalipdan ang mga mamumuo batok sa grabeng kainit nga gila-uman tungod sa El Niño phenomenon.
Sumala ni DOLE Secretary Francis Tolentino, prayoridad sa mga lakang ang mga trabahanteng kanunay mabulad sa init sa adlaw, lakip ang posibilidad sa paghatag og benepisyo pinaagi sa Employees’ Compensation Commission (ECC) sa mga kwalipikadong mamumuo nga masakit tungod sa ka-init samtang nagtrabaho.
Gipahugtan na usab sa DOLE ang mga lagda kalabot sa heat index, lakip ang posibleng pagsuspenso sa trabaho kung mu-abot na sa delikadong lebel ang temperatura.
Makigtgbo usab sila sa mga kompanya ug representante sa delivery riders ug platform drivers aron hisgotan ang pagpagaan sa trabaho gikan alas-dose sa udto hangtod alas-tres sa hapo – kondiin kini ang panahon nga init kaayo ang adlaw.
Lakip usab sa ilang pahimangno ang pagsul-ob og komportable apan desenteng sinina ug ang pag-usab sa oras sa pagsulod ug pagpauli sa mga mamumuo. Mala-umon si Tolentino nga makigtambayayong ang mga employers sa pagpatuman niini aron maseguro ang kahimsog sa panglawas ug kaluwasan sa mga trabahante.
