BUTUAN CITY – Gikasuhan sa mga Russian authorities ang usa ka Japanese journalist tungod sa pagpangispya kondiin gi-akusahan siyang nagtigom og mga impormasyong duna’y kutay ngadto sa defence capabilities sa Moscow alang sa Tokyo.
Ang journalist nga gi-ilang si Yuki Imai gikan sa Hokkaido Shimbun, godetine sa Sakhalin region sa Russia, usa ka adlaw adiser siya mubiya unta sa maong nasud.
Natigayon ang pag-aresto samtang misamot ang tensyon tali sa duha nasud human mibisita si Russian leader Vladimir Putin niadtong Agusto sa gibangi-ang Kuril Islands, nga parehong gi-angkon sa duha ka nasud.
Sigon ni Japanese Prime Minister Sanae Takaichi, giberipika na sa mga otoridad ang mga facts sa kaso ug mutubag gilayon sila higayong masusi na ang tanan.
Sigon sa mga Russian authorities, milihok matud pa si Imai base sa mando sa national intelligence service sa Japan aron manguha og mga impormasyon kalabot sa mga tawong nalambigit sa special military operation sa Kuril Islands nga mapalgan tali sa Hokkaido sa northern Japan ug sa Kamchatka Peninsula sa Russia.
Ang maong archipelago gi-administer sa Russia, apan ang upat ka tumoy nga mga isla, gi-claim sa Japan kansa gitawag nilang Northern Territories.
Gidala na si Imai ngadto sa Moscow ug i-remand siya hangtud sa Disyembre 12 adiser sugdan ang pagtaral. Nasayrang ang mga makonbikto og pagpangispiya sa Russia, mahimong mabilanggo og hangtud sa 20 ka mga tuig.
