BUTUAN CITY – Dako ang pagtuo ni United States President Donald Trump nga wala mitabang sa Iran ang Russia ug China.
Kini ang reaksyon ni Trump sa mga reports nga ang China ug Russia nagtabang sa Iran aron makig-atubang sa mga sundalong Amerikano.
Sigon ni Trump, daghan og mawala sa duha ka nasod kung mutabang sila sa Iran, ilabina tungod nga gipakusog sa Estados Unidos ang kampanya batok kanila.
Pamugos pa sa US President, dali ra nilang mahibal-an kung tinuod nga naghatag og tabang ang Russia ug China sa Iran ug kung adunay man matud pa’y gihatag nga tabang, anaa lamang kini sa ubos nga lebel.
Nasayrang duna’y mga reports ug mga assessment sa US intelligence nga nagbutyag nga adunay gihimong suporta sa pipila ka entities sa China ug Russia ngadto sa Iran, lakip ang intelligence ug mga component nga mahimong magamit sa armas.
