BUTUAN CITY – Halos 300 ka ero ang nag-uban-uban sa usa ka water park sa Las Vegas, Nevada para sa record-breaking pool party nga gihimo isip kabahin sa National Dog Week.
Ang record breaking event nga gitawag nga “Doodlepalooza” nahitabo niadtong Setyembre 27 sa Cowabunga Vegas water park ug giorganisa sa We Love Doodles kauban ang Doodle Rescue USA.
Miabot sa 296 ka ero ang opisyal nga naihap rasong nakuha sa We Love Doodles ang Guinness World Records title nga pinakadaghang ero nga mitambong sa dog pool party.”
Nalabwan nila ang kanhe record nga 276 ka ero nga natala sa Chewy sa usa ka dog pool party sa Coral Gables niadtong Mayo ning tuiga. Bisan og “Doodlepalooza” ang pangalan sa event, dili lang mga erong doodle ang gitugutang motambong abli usab kini sa tanang klase sa ero.
Sa maong pool, gawasnong makadula ang mga ero sa wave pool, kiddie area ug mga sagbot. Dunay pet-friendly booths, giveaways, food ug treats para sa mga mitambong.
Nakabaton usab og swimwear competition diin mirampa ang ubang ero suot ang ilang costumes.
Sumala sa organizers, gusto nilang usahon ang community event ug animal advocacy samtang naghatag og higayon sa mga pet owners nga maglipay kauban ang ilang mga ero.
Human sa event, nanghatag usab ang organizers og shampoo, conditioner ug uban pang pet-care items aron malimpiyo ang mga ero adiser sila mouli.
