BUTUAN CITY- Tulo ang kompermadong patay samtang duha ang angpl sa usa ka insidente sa pagpamusil sa usa ka fishpond sa Timako Hill, Barangay Kalanganan 2, Cotabato City.
Gi-ila sa pulisya ang mga namatay nga sila si Datu Maceda Taup Yusop, 53-anyos, negosyante ug gi-ingong primary target; Mokamad Tabunaway Lanta sa Lebak, Sultan Kudarat; ug Reni Hamsa, usa ka mangisdaay ug residente sa maong lugar.
Kasamtangan usab nga gitambalan sa Cotabato Regional and Medical Center (CRMC) ang duha ka trabahanteng na-agol kinsa gi-ila lamang sa mga alyas nga Daryl ug Jun.
Sa eksklusibong pakighinabi sa Star FM Cotabato kang PCapt. Steffi Salanguit, tigpamaba sa Police Regional Office–BAR, sigon niini nga nagkita ang mga biktima ug mga suspek alang sa usa ka transaksyon sa pagpalit og mga produkto dihang kalit nga mingkanaog gikan sa usa ka puti nga Toyota Hilux ang tulo ka armadong lalaki ug gipa-ulanan og bala ang mga biktima.
Sigon pa ni PCapt. Salanguit, gibana-banang lima ka suspek ang kasamtangang gipukosan sa nagpadayon nga imbestigasyon sa mga awtoridad.
