Ikaduhang Gold medal sa Pilipinas sa 5th Asian Para Games, nakuha ni para swimmer Ariel Joseph Alegarbes

Butuan City – Nasakmit ni Filipino para swimmer Ariel Joseph Alegarbes ang ikaduhang bulawang medalya sa Pilipinas sa 2026 Asian Para Games human mikampeon sa men’s 100-meter backstroke S14 final sa oras nga 1:01.56.

Sa usa ka dikit nga karera, gipildi sa 22-anyos nga si Alegarbes si South Korea’s Sungho Kang sa lamang nga 0.05 segundo. Nakuha usab ni Thailand’s Natirat Meeprom ang bronze medal.

Nagdugang ang kadaugan ni Alegarbes sa bulawang medalya ni Ernie Gawilan sa men’s 400-meter freestyle S7, nga naghatag og bag-ong dungog sa Team Philippines sa natad sa para swimming.

Sa kasamtangan anaa sa ika-14 nga puwesto ang Pilipinas para sa medal tally sa ParaGames 2026 nga dunay duha ka bulawang medalya ug usa ka bronze medal.