Butuan City – Gipahayag ni Leonardo Montemayor, Chairman sa Federation of Free Farmers, sa usa ka eksklusibong pakighinabi sa Bombo Radyo nga posibleng modako pa ang katibuk-ang pagkunhod sa produksyon sa palay sa nasud karung tuiga tungod sa padayon nga epekto sa El Niño.
Sigon ni Montemayor, posibleng muabot o molapas pa sa usa ka milyong metriko tonelada ang mawala sa ani sa nahabiling parte sa maong panahon kung dili gelayon mohimo og tukmang lakang.
Alayon niini, gi-aghat niya ang National Food Authority nga pahugtan ang pagpalit sa mga aning palay gikan sa mga lokal nga mag-uuma pinaagi sa government support price.
Gisugyot usab niin ang pagpadali sa pagtukod ug paggamit sa mga solar-powered irrigation system aron maseguro nga dunay igong patubig ang mga maguuma lakip na ang paghatag sa dugang fertilizer ug fuel subsidies para sa ilang mga kagamitan.
Gikuwestiyon usab ni Montemayor ang nahimong lakang ni DA Secretary Francisco Tiu Laurel Jr. taliwa sa mga alegasyong naglambigit kanya sa kontrobersya sa shipment sa bugas gikan sa Vietnam.
