BUTUAN CITY – Suportado sa Agusan del Norte provincial jail ang Dugong Bombo 2026 ‘A Little Pain, A Life to Gain’ sa Bombo Radyo Philippines Foundation Incorporated nga himuon karong Nobyembre 14 sa tanang mga siyudad sa nasud nga duna’y mga Bombo Radyo ug Star FM stations.
Sa eksklusibong pakighinabi sa Bombo Radyo Butuan, gipadayag ni provincial jail warden Fermin Antenorio nga willing unta ang ilang mga living spacers kon mga binilanggo nga mudonar sa ilang dugo aron makatabang sa mga manginahanglan niini.
Apan dili matud pa kini mahitabo tungod sa patakaran sa Department of Health nga nagdili sa mga living spacers nga mulambigit sa susamang kalihukan dili lang dinhi sa dakbayan sa Butuan kondili sa tibuok nasud.
Aminado si Antenorio nga makonsidera matud pa kining diskreminasyon sa panig sa mga living spacers nga mas siguradong mas hinlo pa ang dugo tungod kay anaa lamang sila sa sulod, wala’y bisyo ug maayo ang kaon.
Alayon sa umalabot nga Dugong Bombo, nanawagan si jail warden Antenorio sa tanang mga Caraganons nga mulambigit sa largest and bloodiest one day blood-letting activity sa tibuok nasud aron makaluwas sa kinabuhi sa mga nanginahanglan og dugo.
Gipadayag pa niini nga ang pinaka-maayong regalo nga ihatag ngadto sa isig katawo mao ang dugo tungod kay dili kini mabaslan og bisan unsa nga butang ug ang Ginoo na matud pa nga naglantaw kanato ang ma-antigong mubalik niini nganhi kanato.
