BUTUAN CITY- Gi-akusaran sa Iran ang Estados Unidos nga kulang sa sinseridad ang pakiglambigit niini sa mga negosasyon ug padayon nga gisagol ang diplomasya sa pagpahamtang og mga kondisyon, sumala ni Foreign Ministry spokesperson Esmaeil Baqaei, kinsa mingbutyag nga lisod saligan ang Washington tungod sa nangaging mga lihok niini.
Samtang, mikunhod ang presyo sa lana sa internasyonal nga merkado niadtong Lunes tungod sa paglaom nga mahupay ang tensiyon sa rehiyon, diin miubos og 1.35% ang Brent crude futures ngadto sa $1.57 nga pagkunhod matag baril, samtang mikunhod usab og 2.04% ang West Texas Intermediate (WTI), bugti sa $2.11 matag baril.
Bisan pa sa pag-us-os sa presyo sa lana, nagpabilin ang kabalaka sa seguridad sa suplay sa enerhiya tungod sa padayong mga pag-atake sa mga imprastraktura sa lana sa Saudi Arabia, bisan pa sa paningkamot sa mga tigpataliwala sa diplomasya nga mahupay ang panagbangi.
Sumala sa International Energy Agency (IEA), magpadayon ang mga kabalaka sa suplay sa enerhiya samtang wala pa masulbad ang kagubot sa rehiyon.
