BUTUAN CITY – Nagpositibo sa gipahigayong ‘Oplan Undaspot’ drug test ang usa ka conductor sa bus sa Langihan Premium Bus Terminal ning siyudad sa Butuan kinsa usa sa 50 ka mga indibdiwal nga gipa-ilalom sa random drug test.
Sa eksklusibong pakighinabi sa Bombo Radyo Butuan, gipadayag ni Dindo Abellanosa, tigpamaba sa PDEA-Caraga, nga ang maong ihap gilangkuban sa 27 ka mga drivers ug 23 ang mga conductor ug ang nagpositibong conductor, ilang gipa-ilalom sa on-the-spot orientation aron masayran niini ang mga dili maayong mahatag kaniya sa paggamit sa ginadiling druga.
Sigon ni Abellanosa nga ka-abag nila pagpatuman sa Oplan Undaspot ubos sa Oplan Harabas campaign ang Land Transportation Office kon LTO; Land Transportation, Franchising and Regulatory Board kon LTFRB; Department of Transportation kon DOTr ug ang City Anti-Drug Abuse Council kon CADAC.
Tumong sa ilang random drug testing nga wala’y mga drivers ug conductors nga makabiyahe tungod kay posibleng mabutang sa alanganin ang kinabuhi sa mga pasaherong sakay sa ilang giserbisyuhang sakyanan.
Kini ilabina nga ang mga bus nga padulong sa lagyong lugar, papulihon man og drive ang mga conductor aron dili malangay ang biyahe sa mga pasahero.
Gipasabot pa ni Abellanosa nga gisunod nila pag-drug test ang mga drivers ug conductor usab sa may Robinson’s terminal kondiin sa pagkutlo niini nga balita, wala pa’y gipagawas nga resulta.
Iya usab nga giklro nga managlahi ang ihap sa mga driver ug conductor sa duha ka terminal nga gipa-ilalom nila sa drug test, tungod kay random man kini. Iyang gipasabot nga ilalom niini, ang mga drivers ug conductor lang nga anaa sa nasangpit nga mga terminal ang ilang ma-test.
Bisan matud pa og nasayod na ang maong mga indibidwal nga regular kining ginahimo sa ingon niini nga panahon, duna gihapo’y mugamit og ilegal nga druga rason sa padayon nilang drug test alang sa kaluwasan sa tanang mga sumasakay.
