BUTUAN CITY – Nakumpirma na sa City Agriculture and Veterinary Department kon CAVD-Butuan nga sa poultry farm gikan Purok 5, Brgy Los Angeles ning siyudad sa Butuan gayod naggikan ang problema sa pagdagsang sa mga langaw.
Kini human nila gi-verify ang reklamong gipadala sa mga residente sa Brgy Sumilihon ngadto sa maong buhatan niadtong Hunyo ning tuiga kondiin tulo ka areas ang ilang nasuta hangtud nga natumbok nga didto kini naggikan sa Purok 5 sa Brgy Los Angeles.
Sa eksklusibong pakighinabi sa Bombo Radyo, gipadayag ni John Wevin Tingas, ang senior agriculturist sa City Agriculture and Veterinary Department kon CAVD-Butuan, nga human sa ilang imbestigasyon ka-uban ang taga-City Health Department ug City Environment and Natural Resources Department, ilang gihatagan og kopya ang kadumalahan sa poultry farm kondiin nakalatid usab ang ilang mga rekomendasyon.
Gikumpirma usab ni Tingas nga duna na’y gipatumang corrective measures ang maong manukan isip pagsunod sa patakaran ning siyudad dayong butyag nga dili hinuon tanan epektibo.
Kini human ang gihimong public consultation niadtong Oktubre 28 tali sa mga residente sa Purok 5, Los Angeles ug mga opisyal sa Sentro poultry farm ka-uban na ang mga barangay officials.
