BUTUAN CITY- Gi-aprubahan sa United States Food and Drug Administration kon US FDA ang mas barato nga generic version sa tambal nga Lenacapavir, usa ka injectable nga gigamit sa paglikay sa HIV ug kinahanglan lamang ipangalagad kaduha sa usa ka tuig.
Sumala sa Dr. Reddy’s Laboratories, ang kompanyang Indian nga naghimo sa generic nga bersiyon, mahimo nang mapalit kini sa kantidad nga 40 dolyar matag tawo kada tuig o katumbas sa 120 ka mga nasud, ubos sa kasabutan uban sa global health initiative nga Unitaid.
Ang Lenacapavir, nga unang gihimo sa kompanyang Gilead sa Estados Unidos, napamatud-ang kapin sa 99.9 porsiyentong epektibo sa dagkong clinical trials ug gi-aprubahan niadtong Hunyo 2025.
Gilauman nga makatabang kini sa pagpalapad sa access sa HIV prevention ilabina sa mga kabus nga nasud, tungod kay mas sayon ang duha ka beses nga injection matag tuig kumpara sa adlaw-adlaw nga pag-inom og preventive pills nga kinahanglan regular nga sundon aron mahimong epektibo.
Ang maong lakang giila usab nga dakong kalamboan sa pagpakunhod sa gasto sa paglikay sa HIV, nga kaniadto mokabat sa 28 mil dolyar matag tuig sa Estados Unidos, ug gi-aprubahan ubos sa US President’s Emergency Plan for AIDS Relief o PEPFAR program.
