BUTUAN CITY- Gikwestyon ni House prosecution counsel Atty. Lorna Kapunan ang operasyon sa Cale88 Foods Corp. human mamatikdan ang kakuwang sa mga empleyado ug hilaw nga materyales sa mga rekord sa kompanya nga minghimo matud pa og banana chips.
Base sa mga financial statement nga gisusi sa prosecution, adunay nakatalang gamay nga finished products ang kompanya apan walay natalang hilaw nga materyales, supplies o mga produktong kasamtangang gihimo.
Gikwestyon usab ni Kapunan ang ihap sa mga empleyado sa kompanya. Sumala sa General Information Sheets niini, walay rank-and-file employees niadtong 2023 ug 2024, samtang duha lang ang natala niadtong 2025.
Gihisgutan usab ni Kapunan ang P150.77 milyon nga kita sa kompanya niadtong 2024 ug gi-kwestyon kung gi-unsa pagpundo ang operasyon ug kung asa napadulong ang kwartang mingsulod sa mga account niini.
Parte ang mga rekord sa Cale88 Foods sa pagsusi prosecution sa mga negosyong gilambigit kang Duterte ug sa bana niining si Atty. Manases Carpio. Gani, parte palamang kini sa mga alegasyon sa prosecution nga kinahanglang tubagon sa depensa.
