BUTUAN CITY – Opisyal nang gi-anunsyo ni Portuguese football superstar Cristiano Ronaldo ang iyang pagretiro sa international football human sa 23 ka tuig nga pagdula alang sa national team sa Portugal.
Sa edad nga 41-anyos, nakahimo si Ronaldo og rekord nga 146 ka goals sa 234 ka duwa alang sa iyang nasud sukad sa pagsugod sa iyang international career niadtong 2003.
Lakip sa labing dagkong kalampusan ni Ronaldo uban sa Portugal mao ang pagkadaog sa UEFA Euro 2016 ug duha ka kampeonato sa UEFA Nations League niadtong 2019 ug 2025.
Isip pag-ila sa iyang makasaysayanong karera, mipadayag usab og pasalamat ang Portuguese Football Federation pinaagi sa usa ka post sa Facebook nga adunay mensahe sa pagpasalamat sa tanan niining nahimo sa ilang koponan.
