BUTUAN CITY – Sugdan sunod semana sa lokal nga kagamhanan sa Butuan City ang rehabilitasyon sa Langihan Public Market o North Public Market nga nagkantidad ug kapin ₱120 milyones.
Unang i-rehabilitate ang fish landing area diin temporaryong ibalhin ang mga fish vendors ngadto sa Langihan Road. Target nga mahuman kini sulod ning tuiga ug gilauman nga molungtad og kapin-kulang 300 ka adlaw ang kinatibuk-ang rehabilitasyon sa merkado.
Posible pang madugangan ang pondo tungod sa kadako sa coverage sa proyekto. Samtang nagpahigayon ang City Traffic Management and Transport Department (CTTMD) og traffic simulation sukad niadtong Nobyembre 4 ug mahuman unyang alas-5 sa hapon aron ma-andam ang mga motorista sa pagbag-o sa dagan sa trapiko.
Gihangyo usab ang mga motorista nga mosunod sa mga traffic sign ug pahimangno sa mga traffic enforcers.
