BUTUAN CITY – Gikumpirma sa sa Philippine Statistics Authority kon PSA nga duna’y gamay nga pagsaka sa gidaghanon sa mga wala’y trabaho sa nasud sa mi-aging bulan sa Septyembre.
Base sa listahan sa PSA, misaka sa 5.4-porsyento ang unemployment rate o gidaghanon sa mga wala’y trabaho sa nasud sa maong bulan kansa bugti sa 2.86 milyones ka mga Pilipino.
Mas taas kini kumpara sa 5.3 porsyento nga unemployment rate nga natala niadtong Agosto, diin mikabat sa 2.77 milyon ang gidaghanon sa mga wala’y trabaho.
Samtang mikunhod usab ang underemployment rate okon gidaghanon sa mga duna’y trabaho apan nanginahanglan pa og dugang nga oras o laing trabaho aron madugangan ang ilang kita.
Natala kini sa 11 porsyento kon bugti sa 5.56 milyones ka mga Pilipino kansa ubos kumpara sa 11.9 porsyento nga natala niadtong Agosto.
