BUTUAN CITY – Gipasalamatan sa kadumalahan sa Police Regional Office kon PRO-13 ang tanang mga Caraganons tungod sa malinawon nga pagsaulog sa kalag-kalag.
Sigon ni PLt.Col. Jennifer Ometer, tigpamaba sa PRO-13, generally peaceful ang pagsaulog sa kalag-kalag sa rehiyon nga tungod matud pa sa katawhan nga mikooperar sa gipatuman nga seguridad.
Sumala ni Ometer, gisugdan niadtong Oktobre 30 hangtud sa Nobyembre 2 ang deployment sa 6,486 ka mga personahe nga nagdugang og puwersa alang sa pagmintina sa kalinaw sa mga lugar nga tapokan sa mga tawo atol sa kalag-kalag ilabina sa mga minteryo.
Apan giklaro sa opisyal nga dili makab-ot ang malinawon nga kasaulogan ugaling wala ang kooperasyon sa katawhan.
Sa pagkakaron, gibalik na sa ilang tagsa-tagsa ka normal nga trabaho ang nasangpit nga mga personahe apan ang lower units padayon gihapon ang paghatag og seguridad.
Human nagmalampuson ang pag-secure sa kalag-kalag, tutukan na usab sa kapulisan ang security measures nga ipatuman sa Christmas season. Kini ilabina kay lauman ang daghang mga kremin o pagpangilad rasong gitambagan niini ang tanan nga mahimong vigilante.
Kini dayung panghinaot nga magpadayon ang kooperasyon sa katawhan aron sama sa Kalag-kalag walay mga dagkong kremin ang mahitabo.
