BUTUAN CITY- Pormal nang gi-serve sa Senate Impeachment Court ang subpoena batok kang Davao City Mayor Sebastian “Baste” Duterte aron motunga isip testigo sa impeachment trial ni Vice President Sara Duterte.
Nadawat usab karung adlawa sa opisina ni Mayor Baste ang maong subpoena, kansa nagmando niini nga motunga sa Senate Impeachment Court sa Septembre 28, 29 ug 30, 2026, alas-10 sa buntag, aron mopamatuod kalabot sa mga butang nga nahibaw-an niini may kalabotan sa impeachment case batok sa bise presidente.
Gimandoan usab kini nga magdala og certified true copy ug electronic copies sa mga may kalabotang opisyal nga rekord nga anaa sa kustodiya o kontrol sa Davao City Government, lakip ang mga kontrata ug uban pang transaksiyon gikan 2020 hangtod sa pagkakaron nga may kalabotan usab sa GenCorp Industries Incorporated, ingon man sa mga korporasyon o title nga nanag-iya o nag-operate og Jolibee branch o establisemento.
Ang subpoena gipirmahan ni Senate President ug Presiding Officer sa impeachment court nga si Francis “Chiz” Escudero ug gi-isyu niadtong Septembre 21, 2026 sa Pasay City.
