BUTUAN CITY- Masinati na ning mga taknaa ang dakong pagsaka sa presyo sa mga produktong petrolyo. Sumala sa Department of Energy kon DOE, ang diesel adunay pinakadako nga pagkunhod diin asa mingkabat og P8.82 matag litro, samtang gisundan usag kini sa Kerosene nga mingsaka og P6.47 kada litro ug ang gasolina P4.88 matag litro.
Kini na ang ikatulong sunod-sunod nga dakong pagsaka sa presyo karong Septiyembre, diin sulod lamang sa tulo ka semana, mikabat na sa P18.31 kada litro ang total increase sa diesel, P16.67 sa kerosene ug P15.25 sa gasolina.
Sigon sa DOE, usa sa mga hinungdan sa pagsaka sa global oil prices mao ang nagkagrabeng panagbangi sa Middle East, lakip ang kadaot sa Saudi Arabia East-West Pipeline o Petroline tungod sa drone attack.
Dugang pa, gikumpirma usab sa DOE nga milapas na sa 80 dolyares kada barrel ang one-month average price sa Dubai crude, nga naghatag og basehan sa gobyerno aron ikonsiderar ang pagsuspinde o pagkunhod sa excise tax sa mga produktong petrolyo.
