BUTUAN CITY- Mo-atubang sa impeachment court si Davao City Mayor Sebastian “Baste” Duterte aron tubagon ang mga pangutana kalabot sa mga transaksyon sa Davao City government sa kumpanyang adunya gideklarang pinansyal nga interes ang igsuon niining si Vice President Sara Duterte.
Gimanduan sa Senate Impeachment Court si Baste nga magdala og mga rekord sa transaksiyon sa Davao City government ug Gencorp Industries Inc. gikan 2020 hangtud sa kasamtangan.
Sumala sa House prosecutors, lakip ang Gencorp sa mga kumpanyang gideklara ni Sara Duterte nga aduna kini pinansyal nga interes sa Statements of Assets, Liabilities and Net Worth o SALN niini.
Sigon sa mga prosecutor gusto niining masuta kung adunay transaksiyon ang Gencorp ug Davao City government samtang miyor si Baste ug kung gi-unsa paghimo ang mga niini.
Plano usab sa prosecution nga pangayo-on sa Impeachment Court nga ideklarang hostile witness si Baste. Ugaling tugotan, posible ang mga niini nga mogamot og mas direktang mga pangutana sa pagkuha sa testimonya niini. Ang desisyon anaa sa Impeachment Court.
Parte kini sa Article II sa impeachment case, kinsa nag-alegar kang Sara Duterte nga wala niini gibuhian ang iyang mga interes sa negosyo ug nagpadayon sa pag-apil sa mga kalihokan sa negosyo samtang nagserbisyo isip Bise Presidente.
