BUTUAN CITY – Gikumpirma ni Banga, South Cotabato Mayor Albert Palencia nga niadto pa diay’ng buwan sa Agusto ning tuiga, giplano sa 14-anyos nga gunman ang pagpamusil sa Banga National High School.
Kini base na sa mga mensaheng anaa sa group chat gikan sa narekober nga cellphone sa suspek.
Sigon ni Mayor Palencia, niadto pa untang Septembre 3 ang planong himuon sa suspetsado ang pagpamusil rason nga daghan sa iyang mga classmates ang mi-absent apan wala kini madayon.
Kagahapon, mi-absent matud pa ang suspek apan gitambagan pa niini ang iyang mga higala nga manguli na human sa ilang pani-udto kay iya nang dayunon ang iyang plano.
Dugang pa ni Mayor Palencia, migawas usab sa imbestigasyon sa kapulisan nga ilang nadiskubrehan nga apil matud pa ang suspek sa usa ka True Crime Community human nakita ang group chat sa iyang cellphone nga posibleng duna’y kalabutan sa pagplano sa insidente.
Gani, gisusi na sa kapulisan ang maong komunidad aron masuta kung kinsa pa ang mga Pinoy nga membro sa maong grupo nga taga-lungsod sa Banga aron ila gilayong ma-aksyunan sa ingon, dili na subli pang mahitabo ang kremin.
Adiser matud pa ang insidente, nananghid nang daan ang inahan sa suspek ngadto sa iyang titser nga mu-absent una kini tungod kay ila ang ipa-psychiatric test.
Apil sa gilantaw karon sa kapulisan nga rason sa paghimo niini sa maong kremin, ang nakuha niining grado nga 76-porsiento nga posibleng naka-trigger kaniya tungod kay utukan matud pa kini ug na-enrol sa pa sa special class.
